സന്ധികളെയും അതിന് ചുറ്റുമുളള കോശങ്ങളെയും ബാധിക്കുന്ന രോഗാവസ്ഥയ്ക്ക് പൊതുവായി പറയുന്ന പേരാണ് സന്ധിവാതം. നൂറില് ഏറെ തരത്തിലുള്ള ആര്ത്രൈറ്റിസ് രോഗങ്ങളാണ് ഇതുവരെ രേഖപ്പെടുത്തിയിട്ടുള്ളത്. സന്ധിവാതം പല കാരണങ്ങളാല് ഉണ്ടാകാം. ഓസ്റ്റിയോ ആര്ത്രൈറ്റിസ് അഥവാ സന്ധിവാതം, ഇന്ഫ്ളമേറ്ററി (ആമവാതം അഥവാ റൂമാറ്റോയിഡ് ആര്ത്രൈറ്റിസ്, ആന്കൈലോസിങ് സ്പോണ്ടിലൈറ്റിസ്, സോറിയാറ്റിക് ആര്ത്രൈറ്റിക്സ്), അണുബാധ(സെപ്റ്റിക് ആര്ത്രൈറ്റിസ്), മെറ്റബോളിക്(ഗൗട്ട്) എന്നിവയാണ്.ആര്ത്രൈറ്റിസ് രോഗികള്ക്ക് കാല്മുട്ടുകള്, കണങ്കാലുകള്, പുറം, കൈത്തണ്ട, അല്ലെങ്കില് കഴുത്ത് എന്നിവിടങ്ങളിലെ സന്ധികളില് വേദന അനുഭവപ്പെടാറുണ്ട്. രക്തക്കുഴലുകള് ചുരുങ്ങുന്നതാണ് ആര്ത്രൈറ്റിസിന്റെ പ്രധാന കാരണം.
വേദനയും മുറുക്കവും
സാധാരണയായി കാണപ്പെടുന്ന ലക്ഷണങ്ങള് സന്ധിവാതവും സന്ധികള്ക്ക് ചുറ്റും അനുഭവപ്പെടുന്ന മുറുക്കവുമാണ്. ഇത് പെട്ടന്നുള്ള വേദനയും ബുദ്ധിമുട്ടുമായോ അല്ലെങ്കില് വളരെ നാളുകളായി വിട്ടുമാറാത്ത ഒന്നായോ കാണപ്പെടാം. പ്രാരംഭ ഘട്ടത്തില് കൈകളിലാണ് വേദന അനുഭവപ്പെടുന്നത്. ഇതിന് ശേഷം കൈകളിലും കാലുകളിലും വേദനയും മുറുക്കവും അനുഭവപ്പെടാം. രാവിലെയും വൈകുന്നേരവുമാണ് ഇതിന്റെ ലക്ഷണങ്ങള് കൂടുതല് പ്രകടമാകുന്നത്. ഇത്തരം ലക്ഷണങ്ങള് കണ്ടാല് ഉടന്തന്നെ ഡോക്ടറുടെ സേവനം തേടേണ്ടതാണ്.
നീര്വീക്കം
ആര്ത്രൈറ്റിസ് ഉണ്ടാകുമ്പോള് സന്ധികളില് നീര്വീക്കം ഉണ്ടാകുന്നു. സന്ധികള് വീര്ക്കുകയും ദ്രാവകം അടിഞ്ഞുകൂടാനും തുടങ്ങും.
നീര്വീക്കവും മൃദുത്വവും
ആര്ത്രൈറ്റിസിന്റെ അവസ്ഥ വഷളാകുമ്പോള് സന്ധികളില് വീക്കവും മൃദുത്വവും ഉണ്ടായേക്കാം. സന്ധികളില് സമ്മര്ദ്ദം ചെലുത്തുമ്പോള് വേദനയും അനുഭവപ്പെടുന്നു. ഇതും രോഗലക്ഷണമാകാം.
അരക്കെട്ടിലെ വേദന
വേദന അരക്കെട്ടിലേക്ക് വ്യാപിക്കുമ്പോള് രോഗാവസ്ഥ കുറേക്കൂടി വര്ധിച്ചിട്ടുണ്ട് എന്ന് പലര്ക്കും മനസിലാവുകയില്ല. ഇതുമൂലം ഇടുപ്പ്, തുട, അരക്കെട്ട് ഇവിടങ്ങളില് വേദന അനുഭവപ്പെടാം
ചലനം കുറയുന്നു
സന്ധിവാതം വഷളാകുമ്പോള് രോഗം ബാധിച്ച സന്ധികളുടെ ചലനം കൂടുതല് ബുദ്ധിമുട്ടാകുന്നു. നേരത്തെ എളുപ്പത്തില് ചെയ്തുകൊണ്ടിരുന്ന കാര്യങ്ങള് ചെയ്യുമ്പോള് ഇപ്പോള് കൂടുതല് പരിശ്രമം ആവശ്യമായി വരുന്നു. കുറച്ച് സമയം മുട്ടുകുത്തി ഇരുന്നാലോ നിന്നാലോ വീണ്ടും എഴുന്നേല്ക്കാന് പ്രയാസം തോന്നുക, ടോയ്ലറ്റിലിരിക്കാന് മുട്ടുമടക്കുമ്പോള് വലിച്ചിലും വേദനയും ഉണ്ടാവുക.
ക്ഷീണം
റൂമറ്റോയിഡ് ആര്ത്രൈറ്റിസ് പോലെയുള്ള ചിലതരം സന്ധിവാതങ്ങള് നിങ്ങള്ക്ക് വളരെയധികം ക്ഷീണം തോന്നിപ്പിക്കുകയും ശരീരത്തിന്റെ ഊര്ജ്ജം കുറയ്ക്കുകയും ചെയ്യും.
ഒന്നിലധികം ഘടകങ്ങളാണ് ആര്ത്രൈറ്റിസിന് കാരണമായി മാറുക.ചിലരില് ജനിതകമായിരിക്കാം. ഇങ്ങനെയുള്ളവരില് പുറമേനിന്നുള്ള ചില ഘടകങ്ങള് ( ശാരീരിക പരിക്കുകള്, അണുബാധ, പുകവലി, ശാരീരിക ആയാസം കൂട്ടുന്ന തൊഴിലുകള്) ഇവയും കൂടി പ്രവര്ത്തിക്കുമ്പോള് ആര്ത്രൈറ്റിസിന് കാരണമാകാം.
Content Highlights :Do you have pain and stiffness in your joints? Don't be ignorant about arthritis